WILLEMSTAD,—-Un dia mas falta pa asina yama luna di òktober ayó i asina yama un bon biní na luna di novèmber. Ta asina ku dia 22 di yanüari ta e promé anochi di festival di tumba 2024 su di 52 edishon.

Tabata djasabra tras di lomba ku Vigilante Farándula a keda poné na altura via di un fuente ku tin kombersashon nan fuerte i hopi serio ta tumando lugá den e bario di Jan Bos, pa ta eksakto na kas di e legendario kompositor areglista Rignald Recordino.

Fuente a duna di konosé ku e kombersashon ku tabata tumando lugá a bai entre Rignald Recordino i Gilbert “Gibi”Doran, kaminda ku sigun fuente Gibi Doran ta duru den kabes di Rignald Recordino pa asina agrupashon musikal Doble R Puru partisipá den festival di tumba 2024.

Si dado kaso Gibi Doran logra na kombensé Rignald Recordino, esaki ta bai pone ku sigur tres  kantante ku tin basta aña sin partisipá den festival di tumba kompañá pa agrupashon musikal Doble R, lo bai hasi nan regreso bèk den festival di tumba. Tambe fuente a bisa Vigilante Farándula ku si Doble R hasi su regreso,e ora ei tur kos ta mustra ku Ike Jesurun i Marlon Victorina tambe lo bai ta huntu ku Doble R Puru. Vigilante Farándula a drenta den kontakto ku Gibi Doran, pero mester bisa ku Gibi a asina uso di su derecho di keda ketu.