Kombersashon nan telefóniko ta horka Francillon.

Nieuwe Haven—Korte a trata kaso Kimamentu Ontvanger ayera unda ku ta akusá e hòmber Sergio Francillon di ta esun ku a manda kima e edifisio. E akusado ta wòrdu akusá di labamentu di plaka i hòrtamentu di awa i koriente tambe. Fiskal  Janssen i Teepel a pidi un demanda di 10 aña pe akusado.

Ta trata aki di un kaso unda ku 2 hòmber bou di órden lo mester a bai na Landsontvanger riba e fecha di 22 di Ougùstùs di aña 2019 pa asina a kima esaki. E hòmber Rudy Medina kende ta sera na Bonaire, tabata esun ku a indiká ku Francillon tabata esun ku lo mester a manda e hòmber nan aki pa bai kima Ontvanger. Den e kaso aki a bini dilanti na algun okashon kaba kaminda ya a bin dilanti ku ta 14 mil florin a paga pa kima e edifisio di Ontvanger. Segun ekspertonan e daño kousá ta laba den 42 mion florin i ku tambe a eksistí peliger pa ku bida di e dos bewakernan ku tabata trahando na e momentu ei.

Durante tratamentu di e kaso ayera Wes mr. Snitker a enfrentá e akusado ku e kombersashon nan di tap ku tabatin den e dossier. Den un di e kombersashon nan aki tabata unu di e akusado ku e tal Nesly ku ta pèrdí pa hustisia. Den e kombersashon aki ta wòrdu papia ku un di e persona nan envolví den e kimamentu lo a kai sera i ku mester wak pa e no papia. Tambe ku nan mester a wak nan kaya pa nan no mester haña problema. Tambe tabatin papia ku nan mester sòru di wak pa e gai ei no habri su boka. Wes a bia meskos ku e kombersashon aki tin vários mas.

Na momentu ku a enfrente ku e kombersashon nan telefóniko aki e la bisa wes ku e no sa nada di esaki nan i ku e no ta kòrda esaki nan. Pero lokual ku si e sa ta ku e ta inosente den e kaso aki i ku e pa nan por lag’é bai traha bèk, paso su famia tin mester di dje.