Bullenbaai: tin interes di Medio Oriente.

BULLENBAAI—Un kompania ligá ku e organisashon potente di Qatar Investment Authority, kual organisashon ta manehá e Fondo di Invershon Soberano di Qatar, tin interes den Bullenbaai. Esei ta lokual fuentenan verídiko a informá redakshon di Vigilante. Te ku ayera anochi, Refineria di Kòrsou no a logra duna un komentario riba e pregunta.

Ta trata di un kompania ku tin sosten di e fondo di invershon soberano di Qatar. Esaki por ta otro bon notisia pa Bullenbaai i Curaçao Refinery Utilities, E terminal di tanki na Bullenbaai ta pasando den mal tempu, despues di konfliktonan sivil rondó di derechinan entre e kompanianan ligá ku Caribbean Petroleum Refinery. Bullenbaai for di Febrüari 2023 no ta risibiendo pago. Entretantu CRU a kibra e kontrakt ku CPR, den lokual a kondusí na mas ku 7 kaso sivil den korte pa claim propiedat di 490 mil bari di fuel oil den tankinan na Bullenbaai.

Informashon no konfirmá ta señalá ku e grupo sostené pa Qatar tin hopi interes pa firma un MOU ku CRU/RdK riba maneho na Bullenbaai.