Willemstad – Minister Charles Cooper a reuní resientemente ku representantenan di Interpol. Esaki ta relashoná ku organisashon di e di 17 Konferensia di Interpol titulá ‘International Law Enforcement Intellectual Property Crimes’. E konferensia aki, lo tuma lugá den 2024 na Kòrsou.

E reunion aki ta resultado konkreto di Minister Cooper su biahe di trabou pa Oslo Norwega ku a tuma lugá resientemente. Durante di e biahe aki, Interpol a anunsiá ku nan lo organisá nan konferensia na Kòrsou. Kòrsou pues lo ta anfitrion di un konferensia internashonal.

E komishon organisatorio a bin Kòrsou for di Fransia i Merka pa tene diferente reunion ku outoridatnan i partnernan envolví den e kordinashon i preparashon pa e konferensia.