Ketu: niun organisashon representando venezolanonan na Kòrsou a reakshoná riba e asesinato di un siudadano venezolano.

Nieuwe Haven–  Riba 25 di Yüli 2022, un siudadano venezolano, trafikando droga den awanan internashonal a keda asesiná riba un Go Fast, pa un miembro estado unidense di Warda Kosta Hulandes. Organisashonnan venezolano, inkluso Konsulado di e pais a keda sin reakshon riba e kaso, ku den medionan di komunikashon lokal a risibi tur atenshon nesesario.

Riba e grabashonnan, por a nota kon e tripulantenan venezolano tabata grita ku ainda nan ta den awanan internashonal. Ta trata di e hòmbernan Derwin Hernandez Garcia, Jesus Gonzalez Gomez, Jean Paul Placencia Salazar i Luingi Malave Vargas kendenan kada unu a risibí un kastigu di 8 aña.  Nan kuater a keda bibu, miéntras un di si sinku, a pèrdè su bida despues ku un marina/ warda kosta estado unidense a subi e Go Fast i sin niun motibu a fusilá e venezolano den su kabes.

Riba vidionan públiko durante tratamentu den korte por nota ku na momento a interseptá e boto riba laman, funshonarionan hulandes i estado unidense a subi e boto. Tabatin un insidente fatal, unda unu dje hòmbernan a bin pèrdè nan bida ku un perforashon di bala. Segun e vidionan,  e morto no tabata nesesario. Abogadonan ta kulpa Ministerio Públiko/Warda Kosta di a aktua ilegítimo dor di a asesiná e venezolano riba boto sin tabatin mester.

Ta asina ku, riba 25 di yüli 2022 un Go-Fast ku tabata transportá 1600 kilo a wòrdu interseptá dor di dos boto interseptor rápido. Riba un dje interseptornan tabatin un miembro di wardakosta Merikano kende pa un rason òf otro tabata usa demasiado agreshon ferbal. Dado momentu riba e videonan grabá por wak kon e wardakosta Merikano ta likidá un hòmber di Venezuela sin ningun rason bálido. Segun informashon, e hòmber tabata riba rudia i sin ningun arma den serkania. Apesar di e situashon tenso riba 25 di yüli 2022, ningun organisashon enbolbí no a raportá riba e suseso. Den un komunikado publiká riba 26 di yüli 2022, Wardakosta Karibe Hulandes a publiká ku nan a interseptá un Go-Fast ku tabata transportá 1620 kilo di droga. Den e komunikado Wardakosta ta splika ku un morto a kai i mirando ku un persona a fayesé, e kaso lo wòrdu investigá dor di Landsrecherche Kòrsou.

Apénas 1 luna despues ku e morto ku a kai, Landsrecherche Kòrsou a publiká den un komunikado ku riba enkargo di Prokurado-General nan a hasi investigashon di e echonan i sirkunstansia di e insidente. Basá riba e investigashon no tin niun motibu pa sigui ku un investigashon penal. Aunke Landsrecherche Kòrsou no tin motibu pa kuminsá e investigashon penal, e investigashon tokante e suseso no a ser inkluí den dossier di e kaso.

Pero durante tratamentu, a nota algu kompletamente diferente. E estado unidense a subi e Go Fast i pone su arma di kandela na kabes di e siudadano venezolano i simplemente fusile. Tin indikashon, ku na momento Warda Kosta a subi e lancha ku droga unda un tripulante a pèrdè su bida, tabata temporada di grabashon pa e dokumental di National Geographic. E kámaranan riba hèlm di e tripulantenan di Warda Kosta, tabata grabando na nivel haltu di resolushon, kual despues por keda uza pa e.o. e seri ku National Geographic tabata grabando outorisá pa Marina Hulandes. No mester ekskluí e posibilidat ku e warda kosta, ku entretantu a bandoná Kòrsou a simplemente mata e siudadano venezolano pa un simpel “show di National Geographic”.

Esaki alabes ta lanta e sospecho, ta dikon e miembronan di Warda Kosta tabata “selebrá” un morto humano netamente durante un okashon ku e tripulantenan venezolano no a los ni un tiru i hasta a tira nan arma di kandela na laman huntu ku algun paki di droga. E aktitut di e miembronan di Warda Kosta tabata indikativo di e akshon premedita pa un produkshon ku kisas ta bon pa Warda Kosta tuma nota di esaki.

Kasi 2 aña despues, organisashonnan venezolano no a bishita e kuater tripulantenan ku si a keda bibu pa un interogashon i demanda pasonan nesesario i mihó aklarashon. Te asina leu, na momento di redaktá e artíkulo, Konsulado Venezolano no a bin korte pa mira e lokual a sosodé.