Kampaña: a bin deskubrí ku parti di e sènnan konfiská na Banko Sentral a paga pa yuda Barak Obama den su kampaña polítiko.

SKALO— Ta bai hasi mas ku 3 aña unda Korte Sivil den Promé Instansha a konfirmá den su veredikto ku tin alrededor di 300 mion florin konfiská na Banko Sentral. Gobièrnu di Kòrsou aktual i anterior no a mobilisá pa buska paradero di e sèn. Ta trata di un suma mionario ku a drenta un kaha onsena.

Den un veredikto di hues sivil mr. Veling, a konstatá ku durante investigashon di Ametista, Ministerio Públiko via di Team Bestrijding Ondermijning, a deskubrí ku 360 mion florin, depositá riba kuentanan intermediario na Banko Sentral. Mayoria si no ta tur e kuentenan tabata ilegítimo. Banko Sentral tabatin tur e plakanan aki di fris for di 2006, den kuadro di e kaso FCIB. Segun un rapòrt  e grupo di kompania relashoná ku unu dje kompanianan, Saffery” nan fondonan ta prosedente di labamentu di plaka. Na 2006, nan a  bin kai bou di un medida di emergensha via di e banko kontroversial FCIB. Na 2007 klientenan di FCIB a kuminsá eksihí pago di nan sèn riba kuentanan ku FCIB tabatin di nan. Banko Sentral na 2008 a informá e klientenan, ku unabes nan comply ku eksigenshanan, nan lo risibí nan sèn. Mayoria a comply pero algun no, kual CBCS a kategorisá nan. Ministerio Públiko nunka no a duna detayes di kuantu suma a keda konfiská i kuantu a sera un akuerdo ku Banko Sentral. Na 2020 a saka un komunikado entre e dos institutonan ku a konfirmá e akuerdo, pero nunka no a menshoná e suma. Pero algun luna despues, eks minister di Hustisia, Quincy Girigorie a konfirmá durante un rueda di prensa ku parti dje plakanan konfiská den afèr di FCIB a bai den Crime Fonds. Girigorie tampoko no a menshoná e suma. Niun hende no ta papiando di e plaka. Hasta direktor Jose Jardim ta pensa ku e suma ta ménos, pero den veredikto di korte esaki a keda konfirmá. Hinter e situashon ta unu misterioso.

Korte Sivil a konfirmá durante tratamentunan ku ta trata di entre 200 pa 360 mion florin ku ta den un disputa pa konfiskashon. Segun direktor di Banko Sentral, Jose Jardim e suma ta ménos.  Ta trata di kuentanan di klientenan di FCIB for di un grupo invershonista ruso kual hasta un parti lo a bai pa finansiá kampana di eks presidente  di Estádos Unídos Barak Obama.  E grupo di kompanianan a hiba un bataya fuerte den korte pa rekobrá nan sèn, pero segun un veredikto di korte mayoria no a logra.