DEN HAAG—Korte Penal Internashonal a sera parsialmente e siman aki despues di un atake digital riba su sistemanan, segun NOS Nieuws.

Den ultimo dianan diferente oudiensia plania a keda kanselá den proseso kontra un sospechoso di krimennan di guera. Asina e website di Korte internashonal ta indiká. Abogado di e sospechoso ta konfirmá e kanselashon di e kaso. Ayera a reanuda e trabounan pero e ret di ICT di Hof ainda ta sera segun Reuters. Segun e abogado konserni no por traha pafó di e edifisio, na kantor si e ret ta funshona. Siman pasa a drenta e promé señalnan di e atake. Servisionan di gobièrnu ta hasi investigashon den Hof. Mester wak kiko ta tras di e atake. Tambe mester sa kuantu dokumentonan a keda horta, manera un fuente di NOS. Anteriormente Rusia a purba hinka un spion den Hof Internashonal komo trahadó. Tambe e pais a purba hack e organisashon pa armanan kimiko na Den Haag. No ta konosí si Rusia ta tras di e hack di e siman aki. Den korte internashonal ta trahando riba kasonan kontra Rusia, debi na e invashon na Ukraina. E informashon ku korte internashonal tin ta masha delikado. Pa sospechosonan por ta interesante pa sa si tin investigashon riba i ken ta testigunan. E tratamentunan kanselá ta trata tambe e kaso kontra Alfred Yekatom, eks-militar di Republika sentro-afrikano. El a hasi su mes kulpabel na krimennan di guera, inkluso soldatnan menor di edat, krimen i tortura.