KORAAL SPECHT- Hues den Korte Penal di Promé Instansha, mr. Sigmar Carmelia, ayera a kita 1 aña for di demanda proponé pa Ministerio Públiko i kondena 7 hòmber venezolano na 5 aña di kastigu.

E venezolanonan a keda akusá di a tabata den poseshon  di 1.300 kilo di mariwana i 3 kilo di kokaina Ta trata di e hòmbernan, Jose Pacheco, Adrian Delcine, Xavier Delcine, Javier Guillen Lopez, Jose Rodriquez, Neomal Cedeno, Wreyner i Urbina Sovil. Riba 24 di Yüni e fregata di warda kosta a nota e hòmbernan riba un lancha unda a interseptá nan nabegashon. Durante investigashon a bin resultá ku tabata trata di un nabegashon narkotráfiko, pero segun e venezolanonan nan no tabata den awanan internashonal sino ainda nabegando den laman venezolano, apénas 7 mia. Hues no a tuma nan argumento i konkluí ku nan mag keda na Kòrsou pa un periodo di 5 aña ménos nan aresto preventivo