WINTERSWIJK—Den un kas na Winterswijk polis a haña un dama i un hòmber morto e siman aki.

Segun Gelderlander ta trata di un agente polisial ku a mata su esposa pa despues kita su mes bida. Entretantu a keda konfirmá ku ta trata di un agente polisial. Gelderlande ta informá ta trata di Frank (50) di Doetinchem. E tabatin un karera di 30 aña komo agente polisial den Achterhoek. Ultimo tempu e tabata instruktor na akademia di polis na Apeldoorn. Segun Gelderlander e matrimonio ku di e agente tabata na su fin. Un luna pasa Sanne a muda pa Winterswijk. Nan tabatin 10 aña kasa. Riba imagen di kámara por mira Frank ta bishita su eks. Sanne a kana direkshon pa sentro pero Frank a par’e i nan a kana bai kas di Sanne. No ta konosí kiko a pasa den e kas. E tata di Sanne a deskubrí e kurpanan sin bida alrededor di 18.00. tin tur indikashon ku e agente a mata Sanne. E no a usa su arma reglamentario segun bosero polisial.