Willemstad —— E grupo di latino ku a ser haña ku un kantidat di droga i tambe arma riba laman a keda enkarselá miéntras Kuerpo Polisial Kòrsou a keda enkargá ku e investigashon.
Relashoná ku e kantidat di droga interseptá dor di Wardakosta riba djaweps i djabièrnè mardugá último riba laman, Kuerpo Polisial Kòrsou a tuma 7 hòmber sospechoso over, tur di nashonalidat Venezolano. Ademas a konfiská un gran kantidat di bultonan di mariwana, pakinan di kokaina i un arma di kandela ku balanan skèrpi. A presentá e sospechosonan dilanti un fiskal ouksiliar ku despues di interogashon a ordená nan enkarselamentu pendiente di mas investigashon. Entretantu ya e droga a keda destruí.