DEN HAAG—E edifisio Wijnhaven di universidat Leiden na Den Haag a sera relashoná ku risiko di seguridat haltu.
Detayenan di e risiko no ta konosí. Polis ta hopi visibel serka di e edifisio i ta bisa ku no tabatin detenshon relashoná ku e risiko. Un bosero di universidat Leiden ta bisa ku a pidi personal i studiantenan di e universidat pa no bishita e edifisio. Otro edifisionan di e universidat ta habrí, pero ta kontrola riba identidat. No tin informashon ki dia ta habri e edifisio na Den Haag, ku ta den sentro di siudat i normal ta habrí 7 dia pa siman. Tin un total di 3500 studiante. E universidat ta spera di por duna mas informashon despues. Segun polis e siere ta un kuestion ku e universidat mes a tuma desishon i no a sera e edifisio riba konseho di munisipio of polis.