Tin e sospecho ku a pasa lòs bala riba kas den e Kaya.

Willemstad—-   Polis ta investigando un kaso di losmentu di bala ku a tuma lugá den Kaya Stila ku ta keda den e bario di Koraal Specht.

Djadumingu den oranan di mardugá Polis a keda dirigí pa e bario di Koraal Specht pa ta mas eksakto Kaya Stila pa losmentu di bala. Tabata habitante di e bibienda nan den e kaya ariba menshoná mester a tende zonido di bala i mesora a pidi asistensia di polis na e sitio. Polis ku a yega mesora den Kaya Stila a kuminsá ku nan investigashon i a bin tuma nota di algun huls riba kaya. Mesora a sigui ku mas investigashon na e bibienda pa asina wak si ta riba e kas a ser tira.

https://fb.watch/qsE48eOUnv/ (Klik pa wak Vidio)

Tambe polis a pidi asistensia di e tim Forensiko pa asina nan por a hasi mas investigashon. Durante di e investigashon a bin topa ku no ménos ku seis huls riba kaminda kual a keda marka pa asina por a saka potrèt di nan pa nan final a konfiská esaki. Ta kondusiendo investigashon pa saka afó ta ken ta esun ku a los e balanan i tambe kiko si intenshon tabata. E kaso ta den investigashon.