Nicolas Maduro, presidente venezolano.

CARACAS – Nicolas Maduro a sigurá na su pais, ku sea awa kai òf kiko ku pasa, lo e selebrá e referèndem konsultivo no vinkulá di próksimo djadumingu. Esaki relashoná ku disputa ku Guyana pa un teritorio di kasi 160.000 kilometer kuadrá na ost di e riu Esequibo.

Maduro a dirigí su mes na e gobièrnu di Guyana, i a indiká na ExxonMobil i Comando Sur, indikando ku ni maske kiko pasa e pueblo venezolano lo subi kaya pa vota.

E mandatario a akusá e gobièrnu i di Guyana, di ta kontrolá pa e petrolero estadounidense ExxonMobil, i intentá di mancha, daña, sushi i impedí e referèndem konvoká na Venezuela.

Den mesun rosea, a pidi Estádos Unídos pa habri wowo, wak i skucha bon, pa saka afó sigur ta kiko ta pasando.

A sigurá ku for di ekstranhero a paga kampaña nan pa kuestioná e referèndem konsultivo.

Esaki ademas a pidi venezolano nan pa demostrá e forsa organisá di e sosiedat pa fasilitá proseso elektoral i garantisá ku tur siudadano ta partisipá den e konsulta.

Ku mobilisashon nan, konsierto nan, bishita na komunidat nan, entrega foyeto i propagandá riba ret nan sosial, Venezuela lo realisá e kampaña, promové pa e ofisialismo, pa konsultá si siudadano nan ta di akuerdo ku e situashon di e zona den disputa.

Guyana a indiká resientemente ku Venezuela ta uza e referèndem komo un distraishon di su problema nan interno, manera entre otro hamber, di kua hende nan ta huyendo.

Minister nan i outoridat nan di Eksterior i di Defensa di Sur Amérika, ku a selebrá siman pasá un reunion na Brasil, a indiká na Guyana pa huntu ku Venezuela resolvé e situashon di tenshon ku un simpel diálogo.