Riba e tereno aki, Maicholl Garcia a koba un buraku pa dera hende bibu aden

Nieuwe Haven—E hòmber venezolano, Maicholl Garcia, djabièrnè último a risibi un demanda di 15 aña, pa morto di e hòmber Alexander Barrios. Garcia huntu ku e gèng Los Lobos a sekuestrá i dera Barrios bibu riba tereno di Choloma, na Febrüari 2020.

Fiskal di Ministerio, djabièrnè último a bisa ku Garcia tabata esun kende a manehá e eskavado pa koba e graf, unda kruelmente e mara man i garganta di Barrios i bent’é bibu den un graf riba tereno di un hòfi na Choloma. Garcia tabata traha einan i konosé e tereno. E venezolano, a splika Korte di tin duele di lokual e la hasi.

E la bisa ku “Los Lobos” tabatin’e bou di menasa i ofres’é 5 mil florin pa koba e buraku. Si e la ninga, nan lo a mat’é i kisas lo tabatin dos kurpa den e buraku en bes di unu, segun Garcia. Ministerio Públiko ta pensa otro. For di tempran, tin kòmbersashonnan grabá unda miembronan di Los Lobos a akordá ku Garcia pa e koba buraku. Fiskal a demanda 15 aña. Demas miembronan di e gèng Los Lobos ta sintando un kastigu kombiná di 71 aña.