ROTTERDAM—Polis di Rotterdam a hasi alrededor di 100 detenshon den e aña aki kaba relashoná ku eksplosivos i tiroteonan.

Algun sospechoso ta envolví den mas insidente, tin biaha hasta 8 delito violento, segun polis a informá ayera. Rotterdam ta konfrontá ku un ola di eksplosivos. Pa 31 ougustus ta trata di un total di 117. Banda di esaki polis a registra 65 tiroteo. Ta trata di 182 insidente ku violensia eksesivo kaminda a detené 103 sospechoso. Polis no ta eskluí mas detenshon pasobra e investigashonnan no a finalisá. Di esnan detené 20% ta menor di edat, 58% ta mas yong ku 24 aña. mitar ta di Rotterdam, sobra di otro munisipionan den regio di Rotterdam. sospechosonan lo ta ehekuta of ta shofur, otronan persona di kontakto. Hefe polisial Westerbeke ta haña ta un milager ku no tabatin viktimanan severo bou di habitantenan. Tabatin eksploshonnan kaminda muraya kompleto a kai. Westerbeke ta bisa ku e hobennan no ta realisá kon serio e delito ta ni e konsekuensianan.