Rancho na unda outoridatnan den oranan di mainta trempan a tene un entrada hudisial.
Willemstad—-Djabièrnè 26 di febrüari 2021, den oranan di mainta, personal di Divishon Krímen Organisá, a tene entrada hudisial na un adrès na Rancho.
E entrada hudisial akí, ta relashoná ku violashon di e lei di opio.
Durante investigashon polis a haña i konfiská un kantidat di planchi di mariwana. Tambe a konfiská atributonan pa e kultivo di e droganan.
Na e sitio e agentenan a detené un (1) hòmber sospechoso.
Ta trata di:
ü F.F.G.K. di 26 aña di edat, nasé na Kòrsou.
Durante investigashon na e kas a bin topa ku ladronisia di tantu awa i tambe koriente. A pone Aqualectra di e situashon na altura.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.