ROTTERDAM—E siman aki Duana a deskubrí den haf Rotterdam un katidat di 1042 kilo di mariwana den un konteiner ku kashi kushina.

E konteiner ta prosedente di Canada. Duana a interseptá e lote di mariwana durante un kontrol rutinario. Ora a habri e konteiner prosedente di Canada, duana a sinti un holó ku no ta kuadra ku e karga. Den e konteiner outoridatnan a haña 2317 pakete di un total di 1042 kilo di mariwana paketá. E kashinan di kushina tabata destiná pa un kompania den Alemania. E team di HARC (polis di haf, duana, FIOD i OM) tin e kaso pa mas investigashon. Entretantu, outoridatnan a destruí e lote.