Willemstad – Projectteam Toezicht en Handhaving (PTH) di Ministerio di Tráfiko, Transporte i Planifikashon Urbano (VVRP) a hasi un kòntròl den área di Dam Pretu riba djaweps 25 di aprel 2024 parti mainta.

 A konstatá ku ta trata di okupashon ilegal di tereno di Gobièrnu i konstrukshonnan ilegal. PTH a para tur aktividat ilegal. Durante di e kòntròl a konstatá tambe plantashon di marihuana na e sitio. A pone Kuerpo Polisial Kòrsou (KPC) na áltura di e situashon, i KPC a presentá na e sitio. PTH i KPC lo sigui ku mas investigashon. KPC ta en buska di e sospechoso den e kaso aki.