Otro dos temblor ta sakudí Turkia, provokando morto i personanan heridá.

ANKARA – Otro tres persona mas a pèrdè nan bida i otro 213 a resultá heridá den dos otro temblor mas di 6.4 i 5.8 grado, na a provinsia turko di Hatay. Esaki ta keda registrá na un di e 11 provinsia nan devastá pa temblornan dos siman pasá, kua a laga saldo di mas ku 41 mil morto.

Di otro banda a informá di algun edifisio nan ku a keda derumbá i ku tambe tabatin mas di 20 réplika.

E temblor prinsipal a keda produsí 5:04 na e distrito di Defne, na parti sùit di e siudat Antioquia, na e provinsia di Hatay. E otro a keda registrá tres minüt despues.

Esaki a trese ku a pone un alerta di sunami, kua despues a keda anulá pa outoridatnan.

E visepresidente di Turkia, Fuat Oktay, a señalá ku ocho persona a keda hospitalisá ku heridanan i a atvertí e poblashon pa no drenta den edifisio nan.