AMELAND—Mayoria tripulante ku a keda heridá den e kandela riba barku Fremantle a sali for di hospital.

Asina e kompania Kaisha ta informá. Tabatin 23 tripulante na bordo di kua un parti a bula for di e barku ora el a pega kandela. No tin klaridat kuantu tripulante ainda ta den hospital. Den e insidente di siman pasá un tripulante a fayesé pa motibu di e huma. E kompania ta bisa ku bienestar di e tripulashon tin prioridat i ku lo duna asistensia despues ku nan sali for di hospital, inkluso kuido mental. E barku a keda traslada temporalmente pa un sitio mas sigur, 16 kilometer riba Schiermonnikoog i Ameland. Por a transporta e barku pasobra e huma a baha. A skohe pa e lokalidat aki pa e barku ta leu for di trafiko maritimo.