Parlamentario pa PNP Gwendell Mercelina ta bisa ku mundu su desaroyo ta muchu mas riba e mundu bèrdè.

Willemstad,– Parlamentario Gwendell Mercelina ta bisa ku e problemátika nan di Refineria Isla ta un tópiko ku mester atendé riba polítika. E ta bisa ku Maria Liberia a splika kon el a elevá e tópiko di refineria, riba un nivel apart for di gobièrnu pa e por yega na un solushon pa pais.

E ta bisa ku pa straño ku por parse, e ta duna krédito tòg na Chonki kende ta un vishonario, e tabata mira sierto prosesonan ta kana i ta e kosnan aki nos mester mira den e próksimo 20 pa 50 aña.

Mercelina ta bisa ku mundu su desaroyo ta muchu mas riba e mundu bèrdè i aki e ta menshoná e idea pa bini ku un greentown.

Segun Mercelina e tópiko di refineria, mester atendé esaki na un nivel ku ta na interes di pais Kòrsou, e ta bisa no ta bai pa ken a habri òf ken a sera e refineria, ta bai pa nos tur ta riba un liña pa finalmente e benefisiá pais.