Kas na unda a logra di detené e akusado Lourens

Nieuwe Haven—Durante tratamentu di un kaso den korte e akusado Queendrely Alexander Martires Lourens nase na Kòrsou di 33 aña di edat a bisa wes ku e ke sa paradero di su kadena nan di oro unu di 12 i e otro di 20 mil florin.

E akusado ta akusá di a kometé un atrako dia 21 di Ougùstùs último den área di Muizenberg, segun informashon ta trata di un kaso di “inside job” unda a logra kita mas ku 15 mil florin for di e víktima bai kuné. Tur esaki a sosodé bou di menasa di un arma di kandela. A detené e akusado Djaluna 14 di Sèptèmber na un kas den Kaya Espinela.

Durante tratamentu di e kaso tabata tei presente 2 hende muhé ku tambe ta sospecha di ta involukrá den e kaso. E 2 hende muhé nan aki ta di inisial T.A.M i A.J.A.M. E akusado Lourens a bisa wes ku e lo para responsabel di tur lokual ku e la hasi pero e ke sa paradero di su dos kadena nan di oro unu ta kosta 12 mil i e otro di 20 mil florin. Segun Lourens e reshèrshi nan a tuma esaki dia di su aresto pero despues di esei e no sa nada mas di e kadena nan. E di ku e sa ku porta e lo no haña esaki nan mas pero e ke un hende para responsabel pa esaki nan.

Wes a bisa Lourens ku e sa ku e kadena nan ta importante pe, pero e kaso aki ta hopi mas importante pa wes ku e kadena nan. Pa loke ta trata e dos dama nan aki wes mr. G. Edelenbos a bisa ku e ke un rapòrt di reclassering di parti di e dos dama nan aki pa por trata e kaso dia 12 di Mart próksimo.