Porto Marie na unda e militar ulandes a bai sambuya i a bin pèrdè su bida.

WILLEMSTAD—-Riba Djasabra 24 di febrüari 2024 un Militar Hulandes di ‘Compagnie in de West’ a fayesé despues ku el a bai snòrkel na Playa Porto Marie na Kòrsou.

Wardakosta Region Karibe,  despues di e notifikashon tokante e Militar, pèrdí a monta un búskeda, pa e persona pèrdí aki. E helikòpter di Wardakosta i e avion di patruyahe Marítimo, e DASH, despues di e notifikashon inmediatamente a kuminsá un búskeda. E boto Metal Shark tambe a keda desplegá kantu di kosta, CITRO a sostené esaki i bushinan di Marina a bai buska bou di awa.  Tambe koleganan di aserka  di CIDW a buska ku alma i kurpa.  Despues di algun ora a haña e kurpa sin bida di e Militar.

 Famia i koleganan a keda informá. Nan ta risibí sosten di empleadonan di asistensha soshal i kuido spiritual mental.  E  motibu di fayesimentu ta keda investigá mas a fondo.

 A entregá e kurpa na KPC . Forsa na famia i pas na su alma.