Vlaardingen – Ministerio Públiko a laga e hóben yu di Kòrsou di 17 aña mesora liber despues di su interogashon, relashoná ku un kaso di asesinato. E yu di Kòrsou, ku entretantu na su kas, no tabatin nada di haber ku morto di segun notisia di munisispio na Rijnmond, e hóben ta keda komo sospechoso.Entretantu e investigashonnan ta sigui relashoná ku morto di un yu di Kòrsou di 30 aña.  Tabata djamars ku polis i tambe e trouma team a keda dirigí ku urgensia pa  un tiroteo dilanti un flèt na Vlaardingen unda un hòmber na suela tabata den un situashon basta preokupante debí na heridanan di bala ku e la sufri. 

E insidente fatal a tuma lugá riba e krusada Samuel Esmeijerstraat i Bijnenstraat. Djis despues di e tiroteo a detené e hóben di 17 aña. For di ayera e la rekobrá su libertat i ta na su kas. Segun un miembro di famia, e hóben a keda bastante troumatisa pa e aresto. E  víktima a bin  a muri na e sitio di su heridanan. Polis a sera e área pa investigashon.