ROTTERDAM—Djis un ratu pasa tabatin dos tiroteo den Rotterdam na Erasmus MC i un bibienda kaminda mas morto a kai.

Na prinsipio polis a haña melding di dos herido grave. Polis a detené un sospechoso (32) pa e tiroteonan. El a keda detené riba e plataforma di helikopter di Erasmus Medisch Centrum. Posiblemente e ta úniko sospechoso. Alrededor di 14.25 polis a risibí e yamadanan di tiroteonan. Promé tabata den un kas na Heiman Dullaertplein kaminda dos hende a keda gravemente heridá. Despues e sospechoso a bai e skol di medisina den Rochussenstraat na 1,5 kilometer distansia kaminda tambe tabatin un herido pa seguidamente el a drenta hospital Erasmus MC. Despues di e tiroteonan tabatin kandela tantu den e kas komo den hospital. Tabatin hopi paniko na hospital durante e tiroteo segun testigunan. Tin hende a hui di Erasmus MC pa Sophia Kinderziekenhuis. Despues di e insidente hendenan por a sali den fase for di edifisio. E prome edifisio ku a evakua ta e akademia di medisina.
Foto dokternan ta hui pafo di hospital Erasmus MC