E víktima tabatin 8 luna di gestashon.

LIMA – Un mucha muhé di apénas 13 aña di edat a pèrdè su bida na e departamento peruano di Junín, debí no komplikashonnan registrá durante parto, kua ta fruta di un violashon.

Segun e direktor di e ret di Salú di Satipo, e morto di e mucha a keda kousa pa retenshon di e plasenta i un sangrado interno ora ku esaki tabatin 8 luna di gestashon.

E organisashon di Save the Children Perú, a lamentá e morto di e víktima durante parto, despues di tabata víktima di un violashon seksual.

Susesonan trágiko manera esun aki, por keda evitá si polítikonan eliminá violensia seksual kontra menornan di edat, garantisando interupshon legal di embaraso, entre otro, segun ONG.

Esaki nan mas aleu a indiká di ta eksigí un proseso di investigashon profundo, hustisia pa e menor di edat i su famia i tambe kastigu ehemplar pa personanan responsabel.

Segun datonan di UNFPA, na 2022 a registrá 1.625 nasementu di parti menornan di edat, entre 10 i 14 aña. Esaki ta mustra ku kada dia, kuater menor di edat ta bira mama na Perú.