E hóben di 26 aña tabata será den e bibienda i a drenta den pániko purba sali di bentana.

BOGOTA – E kaso ku a keda registrá den oranan di djaweps siman pasá, na un bario na sur di Bogotá, a revelá mas detaye. Ta trata ami di un kaso registrá durante un seri di temblor ku a sakudí e pais. Den esaki un muhé, durante un réplika di magnitut 5.1, a kai for di un di shete piso di un edifisio.

E hóben su identidat a keda revelá, i el a keda identifiká komo e Maria Liz Moreno, di 26 aña i di nashonalidat venezolano.

Den un video, kua ta klave pa e investigashon, por mira ora ku e hóben ta kologá for di un bentana di shete piso intentando di sali for di e apartamento. Sinembargo Maria Liz a pèrdè ekilibrio, den un mal moveshon i a kai den bashí i fayesé.

Den un bario, kua ta di luto i no ta sali for di asombro di loke ku a sosodé, un abitante di e konhunto, unda e hóben tabata biba. Esaki a konta ku e por a mira e kaso ora e tabata kore baha trapi huntu ku su mama, evakuando e edifisio.

Momentunan di tenshon

E testigu a konta ademas ku vários di e bisiña nan a yama ambulans i bombero, pero a tarda pa yega di tur forma. E ambulans a dura mas di 30 minüt promé ku el a yega. Ya aki no tabatin hopi mas di hasi, ya ku e no ta duna señal di bida.

Despues di masoménos 45 minüt ku e suseso a keda registrá, e kuerpo di bombero a presentá na e sitio.

Agentenan polisial ku a presentá na e sitio, a rondoná e sitio i hala e bisiña nan ku tabata yora di forma inkonsolabel.

Ken tabata Maria Liz Moreno?

Segun a keda indiká, Moreno tabata un hóben di 26 aña ku no tabata abitante di e konhunto di e bibienda.

Segun vários fuente, Maria Liz Moreno tabata biba na Madelena Urbano, un konhunto den serkania di unda el a pèrdè su bida. Pero e anochi di dia 16 di ougùstùs, el a pasa anochi serka un amigu na e sitio.

Aparentemente aki tabatin dos persona ta biba. Un a lanta mainta bai traha, i e otro, kende no tabata sa ku e hóben ta paden, ora el a sali el a opta pa sera ku yabi. Esaki a pone ku e hóben no por a sali na momentu di e temblor.