Venezolanonan i kubano nan ta liderá e grupo ku petishonnan na Brasil

RIO DE JANEIRO – E hende muhé nan ta representá 45% di e pedidonan di refugio na Brasil den e último nuebe añanan, ku kua venezolanonan i kubano nan na kabes, segun un informe divulgá pa e Opservatorio di Migrashon Internashonal.

E organismo, kreá na 2013 pa e Ministerio di Trabou i awor dependiente di Hustisia, a indiká ku e hende muhé nan i menornan di edat ku ta kompañá nan ta representá e mayoria di inmigrantenan ku pedido di refugio na Brasil.

Di 2013 te ku 2022, e number di solisitut nan di refugio realisá pa hende muhé a oumentá di 10.5 % pa 45 % i e solisitut di menornan di 15 aña a pasa di 6,5 pa 12.2% den e mesun periodo.

E informe anual ta señalá ku e hende muhé nan venezolano, ku 45.9% di e total i e kubano nan ku 46.8%; tabata esun nan ku mas solisitut di refugio presentá for di 2013 na Brasil.

E seri históriko tambe a identifiká un oumento den number di hende muhé ku ta solisitá residensia na e pais, inkluyendo esun nan no refugiado, pasando di 34.1% den 2013 pa 42.9% den 2022.

Segun e informe, e estado nan ku mas a registrá muhé nan inmigrante tabata Roraima, Sao Paulo, Paraná, Santa Catarina, Amazonas i Rio Grande do Sul.

Segun e akuerdo ku e kordinadó di estadistika nan di e opservatorio, Tadeu di Oliveira, e datonan ta mustra kambio den fluho migratorio di e último 9 añanan, prinsipalmente den refugiado nan.

Entre e refugiado nan, e venezolano nan ta e komunidat migrante mas numeroso di e pais, ku 210.052 solisitut entre 2013 i 2022, superando e haitianonan ku 38.884, kubanonan ku 17.855 i e personanan di Angola, ku 11.238.