ALKMAAR—Munisipio di Alkmaar a keda estafá pa un kriminal digital (online) ku a kobra 236.000 euro pa un direktor fantasma.

Un hende a presentá su mes komo direktor di organisashon i manda faktura di 236.000 euro segun NH Nieuws. E faktura a keda pagá pa personal di e munisipio. Personal bou di preshon di e direktor fantasma ku a bisa ku e faktura falsu ta urgente a paga muchu lihe i a deskubrí e froude muchu lat segun deklarashon di e munisipio. No tin prueba ku e empleadonan públiko tabata envolví den e froude. Diputado di Finansa Schouten ta hopi rabia. Kriminalidat digital ta un problema ku a bira mas grandi, den Alkmaar tambe. Hopi hende tin berguensa ora nan bira víktima di e tipo di kriminalidat aki. Ta kos ku por pasa tur hende hasta un munisipio. Despues di deskubrí e froude e munisipio a tuma medidanan pa evita intentonan nobo di estafa via internet. Den 2020 tambe kosnan a bai robes na Alkmaar ora un trahadó di munisipio a primi un link froudulento via email. Pa e motibu aki e mail di munisipio tabata aksesibel publikamente temporalmente ku informashon delikado personal di sientos di habitante di Alkmaar.