Nina Ansary na Korte durante último tratamentunan den Apelashon.

NIEUWE HAVEN—Yu muhé di Hushang Ansary ta riba ruta pa claim un suma di 660 mion dòler estado unidense for di dañonan okashoná pa Banko Sentral. Ta trata di 6 claim mionario kada unu pa 110 mion dòler.

Manera publiká ku karakter di primisia, despues ku Ansary a gana Banko Sentral den kortenan na Estádos Unídos riba un claim, e la ehekutá un wisio sumario pa rektifikashon kual kaso a keda tratá siman pasá den korte na Nieuwe Haven. Pero aparte di e proseso yega na un akuerdo riba rektifikashon i demanda, Ansary for di Yanüari 2023 ta den kortenan sivil na Estádos Unídos riba 6 demanda mionario ku ta surpasá 1.2 miar florin.

Ansary ta claim mala fe di parti di Banko Sentral i su direktornan. Den su alegashonnan e la lansa akusashonnan serio kontra di José Jardim, Kelvin Kleist, Elisabeth Grimm, Gregory Elias i finalmente tambe aktual presidente direktor di e instituto nashonal monetario, Richard Doornbosch. Aparte di keda eksonerá pa pagonan di daño mionario okashoná na Ennia Caribe Holding den korte na Kòrsou, Korte na estado di California tambe a rechasá un demanda entamá pa Banko Sentral i si abogado Sabine Altena. Ansary su posishon na e momentonan aki bastante fuerte, fòrsando Banko Sentral na yega na un akuerdo den korte di Kòrsou siman pasa, unda abogadonan ta negoshando.

Segun Ansary su demanda na Estádos Unídos, no ta trata di solamente kompensashon finansiero di e dañonan okashoná, sino restablesimentu di su nòmber i imáhen internashonal. Segun abogadonan di Ansary, nan kliente tin rekonosementu internashonal pa tareanan karikativo ku ta sumamente importante pa su desaroyonan profeshonal. Abogadonan Rogier van den Heuvel i Roderik van Hees a manda diferente karta di rektifikashon, kualnan a risibi kontestanan negativo di parti di Sabine Altena.

Ansary den korte di hustisia estado unidense ta kombensí ku entre Jardim, Kleist, Elias i Grimm tabata intenshon pa bende Banco di Caribe sin duna un oferta riba merkado internashonal serio. Ya ta konosí ku Ansary no a tene atras su opinion riba e relashon di amistat entre Jardim i Elias, unda e la alegá ku netamente e relashon aki tabata pa intenshonalmente bende Banco Caribe ku grupo Elias na un preis bou di merkado.