Segun Cabello, nada lo no bai pasa na e pais dia 22 di òktober próksimo.

CARACAS – E Komishon Nashonal di Primaria, CNP, a akudí den oranan di djaluna tras di lomba na e Konseho Nashonal Elektoral pa asina duna un respuesta na e oferta di asistensia tékniko di e organismo komersial.

Den un komunikado publiká riba retnan sosial, e komishon a aklará ku e primaria ta mantené manera e ta planiá. Pues, e proseso lo keda selebrá dia 22 di òktober i e votashon lo keda realisá di forma manual.

CNE di su banda a proponé siman pasá pa posponé e elekshonnan primaria pa dia 19 di novèmber, pa asina tin tempu di organisá e asistensia tékniko di e proseso, oferta ku CNP a someté na konsulta ku e kandidatonan i partidonan polítiko.

Den e konsultanan aki tabatin koinsidensia den gradisí CNE su propuesta di asistensia tékniko ku uso di e sistema outomatisá di votashon, ku lo tabata di hopi utilidat, promé ku verifikashon di e detayenan di tal asistensia, na komienso di 2023. Esaki na momentu ku e Komishon Nashonal di Primaria a solisitá e CNE un reunion di Komishon Tékniko konhunto, ku nunka a keda konvoká. Despues ku kuater luna a pasa despues di dia 5 yüni di 2023, fecha di e solisitut, e elekshonnan Primaria ya ta den su fase final.

E dokumento ademas ta eksponé ku a avansá den e diseño, konsolidashon i kumplimentu di e kronograma den etapa i tareanan manera e atmishon di 13 postulashon, e registro di mas di 300.000 venezolano den eksterior, mas di 40.000 persona postulá na miembro miembronan di mesa ku ya ta keda formá pa un prosedimentu di votashon manual, ubikashon di 3.010 sentro di votashon na e pais den kua tin funshon di mas ku 5 mil mesa elektor i tambe aprobashon di e karchi di votashon.

Pues , e situashon aktual ta e primaria aki ta hopi diferente for loke tabatin dia 5 di yüni. Na e oportunidat aki, tabata buska ku insistensia e definishon di e kondishonnan di primaria pa asina e kandidatonan por inskribí nan mes konosiendo e situashon di e proseso.

Diosdado Cabello : nada no ta bai pasa dia 22 di òktober
E vise presidente di e Partido Sosialista Uní di Venezuela, Diosdado Cabello, a indiká ku djadumingu 22 di òktober, nada lo no bai pasa.

Mas aleu esaki a indiká ku e úniko kos ku tin riba e fecha aki, ta un partido entre Caracas i La Guaira. Esaki a indiká ku e elekshonnan primario ta un evento entre nan mes i el a sigurá ku nada lo no pasa.

E ofisialista a sigurá ku e elekshonnan primaria aki ta mantené den insertidumbre i ta posibel ku e lo no keda selebrá. Ademas, a indiká ku tin un supuesto dudanan ku ta eksistí relashoná ku e forma ku e siudadanonan ta partisipá.

Esaki a sigui afirmá ku e proseso ta tutelá pa Estádos Unídos i ku lo hasi loke ku Estádos Unídos indiká. E desishon si tin CNE òf no, no ta dependé di ningun di nan, ta dependé di loke Estádos Unídos indiká.

Cabello ademas a kritiká e petishon di CNE di media pa ku gobièrnu pa permití entrada si e pais di e ekstranheronan korespondiente i eksperto nan elektoral invitá pa e Komishon Nashonal di Primaria.

Finalmente Cabello a rekòrdá e kandidatonan inhabilitá polítikamente mester tene na kuenta ku nan lo no por partisipá den elekshonnan presidensial i futuro proseso nan den kua mester konvoká e Konseho Nashonal Elektoral.