Insektonan aparentemente ta sumamente saludabel, tin vèt, vitamina i mineral.

OROPA – Oropeo nan a aprobá e uzo di kriki i bichi di hariña komo un alimento. Esaki ta trese e produsente “Protix” mas serka di komersialisashon di insekto komo alimento.

“Protix” ta e promé produsente di insekto ku a haña e aprobashon di Union Oropeo pa por kria tres insekto komo kuminda nobo. Segun esaki nan, den nan vishon, insekto lo por bira den futuro un parti importante pa ku alimentashon. Esaki tantu di forma indirekto komo direkto, prosesando kriki i bichi di hariña.

Segun e direktor di Protix, Kees Aarts, e presentashon di kuminda nobo aki tabata un paso lógiko i nesesario. Esaki nan ta permití pa komersialisá ku insekto den Oropa i desaroyá alimento pa e konsumidó konsiente.

Di otro banda a indiká ku M-Food Natural Ingredients a firma un akuerdo ku Protix, pa produkshon di insekto den aplikashon di alimento. E kompania ta enfoká riba produkshon i propagandá di ingrediente di alimento di kalidat haltu, basá riba insekto.

E insekto ta prosesá pa ingrediente kua ta keda di fris i seká. Despues nan ta yega den diferente alimento manera produktonan di karni, pasta seku i otro produktonan.

Tabata for di luna di febrüari di aña pasá ku ya tabatin sierto paso nan i aprobashonnan den e kasonan aki.

Segun esaki nan, insektonan ta un fuente di kuminda sumamente saludabel, ku hopi vèt, eiwit, vitamina i mineral. Korsou tambe ta pone riba e lista pa pronto kuminsa inporta e sorto di proteína nan aki.