UTRECHT—Den e promé 4 lunanan di aña un total di 955 kompania a bai bankarota, ku ta kasi dòbel den mesun periodo aña pasá.
Den periodo di yanuari te ku aprel 2023 tur luna mas kompania a bai bankarota ku den 2022, segun sifranan di Ofisina di Estadistika CBS. Den aprel un total di 238 kompania a bai bankarota, ku ta dòbel e kantidat di aprel 2022. Apesar di e oumento e kantidat di kompanianan ku a bai bankarota den ultimo lunanan ta relativamente menos kompará ku último 10 aña. Prinsipalmente den desenia pasá tabatin mas bankarota ku awor. Un riba 5 kompania ku a bai bankarota luna pasá, tabata aktivo den komersio. Esaki no ta sorprendente pasobra ta e sektor ku mas kompania. Relativamente transporte i sektor di almasenahe tabatin mayoria bankarota.