Minister di Eksterior dominikano, Roberto Alvarez.

SANTO DOMINGO – E minister di Eksterior dominikano, Roberto Alvarez, a indiká den oranan di djaweps ku indispensabel pa paralisá e konstrukshonnan na e kanal di riu Masacre, pa asina por tin un diálogo entre paisnan.

Esaki a indiká ku nan ta pará ketu bai riba loke a indiká na un prinsipio, ku pa por tin diálogo, mester para ku trabounan di konstrukshon.

Den su reunionnan ku Komishonnan di entre otro Forsa Armá, Asuntu nan Fronteriso, Relashonnan Eksterior k Koperashon Internashonal, ku asistensia di e presidente di Kámara, Alfredo Pacheco, a presentá e postura di e gobièrnu dominikano pa ku e konstrukshon di e parti haitiano i tambe akshonnan diplomátiko realisá.

Ta trata aki di un tema, ku segun e minister a indiká, ta kombèrtiendo e kanal den un baluarte di nashonalismo haitiano, involukrando diferente sektor nashonal.

E diplomátiko a indiká ku, for di aprel di 2021, e gabinete dominikano a haña sa di e konstrukshon di e kanal, a pidi mesora pa paralisá obranan. Esaki konsiderando ku ta violando e tratado di Pas, Amistat Perpetuo i Arbitrahe di 1929 entre ámbos paisnan.

Ya na luna di mei 2021 a selebrá reunionnan entre ámbos parti pa trata e asuntu i den deklarashonnan konhunto di e enkuentro aki, no a logra para e konstrukshon di ningun forma, kontrali, a mantené e obranan.

Segun e minister, análisis tékniko dominikano ta mustra ku e kanal lo perhudiká e medioambiente gravemente di ámbos paisnan i tin potensial ademas di generá inundashonnan na Haiti i Repúblika Dominikana.

E krísis pa e situashon aki a deteriorá relashonnan entre ámbos paisnan, te na e punto ku e gobièrnu dominikano a disidí di sera frontera di forma total dia 15 sèptèmber tras di lomba.