Entre e grupo tabatin inkluso dos menor di edat.

KINGSTON – Outoridatnan polisial di Jamaica a informá ku 37 haitiano, inkluyendo dos menor di edat, a keda prosesá despues di keda detené intentando di drenta ilegalmente na e pais karibense.

E ilegalnan, 27 hòmber i 10 muhé, a keda detené den oranan di djaluna anochi na Boston Beach, na Porand, na e kosta nortost di Jamaica.

Di su banda, e kabesante di e Divishon di Polis di Porand, Lloyd Darby, a indiká ku outoridatnan tabata realisando e areglo an nesesario pa e ilegalnan por keda risibí ku dak i atenshon médiko.

Míles di haitiano a trata di hui di nan pais pa asina kore pe pobresa, guera entre gèng nan i e insertidumbre sosial – ekonómiko.

E subida di violensia ku Haiti ta den, den zona nan práktikamente kontrolá pa banda nan armá i insidente nan diario di atake i sekuestro, a kobra bida e aña aki di 1.400 persona.

Den oranan di siman pasá, e sekretario general di ONU, Antonio Guterres, a pidi e komunidat internashonal pa aktua inmediatamente i forma un forma multinashonal pa pone na servisio di Polis Haitiano.

E oumento di violensia armá a provoká na su momentu pa empeorá den e sifra di hamber, te na un punto ku e aña aki lo tin 30% mas di menornan di edat afektá pa desnutrishon agudo grave.