Hank Aaron tabata tene e bate ku su man rèks bou di su man lenks i a kaba di firma komo shortstop pa 200 dòler pa luna na 1952.

New York,– Nativo nan di Alabama. E outfieldernan. Estreanan den Negro League. Héroenan di Liga Grandi, Hank Aaron i Willie Mays nunka a hunga huntu den e mesun ekipo di Liga Grandi.

Hopi ta e kosnan ku ta konektá Hank Aaron i Willie Mays. For di e dianan final di añanan 40 den kual e respektivo ekiponan  enfrentá otro den un wega di futbòl merikano di skol, te ku dia ku e ihá di Mays kende ta Barry Bonds, a pasa Hank Aaron pa konbertí den e lider di homerun di tur tempu, nan kaminda a krusa hopi biaha.

Pero Aaron i Mays, manera hopi hende sa, nunka tabata kompañero di ekipo. Mays a hasi referensia na esaki den e deklarashonnan ku el a duna den un komunikado despues di e morto di Aaron dia 22 di yanüari 2021 na edat di 86 aña.

“Ounke nunka nos tabata kompañero di ekipo”, Mays ta bisa, “nos a hunga huntu den vários wega di estrea”.

Efektivamente, nan a kompartí dugout den e wega di estrea na 22 okashon: Kada aña entre 1955 i 1972, ku kuater adishonal entre 1959 i 1962, tempu ku tabata hunga dos wega di estrea pa temporada. Tambe nan a partisipá huntu den hopi wega di ekshibishon durante off season.

Pero algu ku Mays no a bisa den su komunikado i ku hopi fanátiko di beisbòl no sa, ta e serka ku e dos leyendanan aki tabata di hunga den e mesun ekipo di Liga Grandi.

Nos ta regresá den tempu na 1952. Mays, di 21 años, tabata den su di dos temporada di Liga Grandi ku New York Giants. Aaron di 18 aña, tabata disputando e úniko temporada ku e payasonan di Indianapolis (ku en realidat tabata hungando na Buffalo, New York) den Negro League.

Para e momentu ei, Aaron ainda tabata tene e bate ku su man rèks bou di su man lenks i a kaba di firma komo shortstop pa 200 dòler pa luna. Pero el a keda solamente un luna ku e Payasonan, paso e papiamentu di tur e talento ku e tabatin a kuminsá plama rápidamente.

Bravos de Boston i Giants di New York tabata entre e ekiponan ku tabata siguiendo Aaron djaserka. Nos sa ku tabata Bravos – i spesífikamente e skout Dewey Griggs, kende a firma Aaron. Di akuerdo ku diferente informe, Bravos a paga e Payasonan 10 mil dòler pa kumpra e kontrakt di Aaron.

E mesun Aaron, sinembargo, a introdusí un kaminda alternativo di akuerdo ku un sita ku e tabatin den un ensayo di e outor Donald Honig. E ensayo, titulá “Batting Around,”  ta e edishon di Otoño 2000/Primavera 2001 di “NINE: UN diario tokante di e historia i e kultura di beisbòl”, i el a sugerí Giants tambe pa hasi un oferta.

“Mi tabatin e kontrakt di Giants den mi man”, asina Aaron a bisa di akuerdo ku e publikashon. “Pero Bravos a ofresé mi 50 dòler mas tantu. Esei tabata e úniko kos ku a evitá ku Willie Mays i ami  no tabata kompañero di ekipo: 50 dòler”.

Hasiendo e ahuste di akuerdo ku e inflashon, 50 dòler pa luna den 1952 ta kasi ekivalente na 500 dòler na 2021. Un sifra ridíkulo (pa hari)  pa un ekipo di Liga Grandi.