Punda—Parlamento di Kòrsou awe a inisia e proseso di entrevista den kuadro di un Enkuesta Parlamentario riba konstrukshon di Hospital Nobo, HNO/CMC.

Durante oranan di mainta e miembronan di e komishon a entrevista  Ninon Gerling kontroladó/sekretario suplente na Kontrolaria General Kòrsou i èks-presidente di CFT Age Bakker. Mas den oranan di merdia ta kuscha èks-diputado Humphrey Davelaar i inisiadó pa un hospital nobo Bob Pinedo.

Durante oranan di mainta e tratamentunan no tabatin niun kontenido nobo ku no a yega di publika kaba. Durante e periodo lo manda yama 15 persona pa e kòmbersashonnan den e siman di 26 di febrüari. E investigashon di e komishon ta riba 5 tópiko. Ta hasi pregunta tokante: 1) Desishon tuma tokante lokalidat di e hospital 2) Responsabelidat finansiero 3) Transishon di hospital bieu pa hospital nobo 4) Aspektonan di konstrukshon I seguridat 5) Responsabilidat gubernamental. Ta promé biaha den historia di pais Kòrsou ku ta usa un enkuesta pa skucha personanan di interes.