WILLEMSTAD – Kontrolaria General (Algemene Rekenkamer Curaçao) a hasi entrega di su relato anual na Presidente di Parlamento Charetti America-Francisca. Presidente suplente di Kontrolaria General Percival Virginia, a entregá nan relato anual di 2023 djaweps último.

Durante e enkuentro, Viriginia a duna un splikashon di nan aktividatnan ku mas a resaltá durante 2023 i a papia tokante e relashon entre Kontrolaria General i Parlamento di Kòrsou. Kontrolaria General di Kòrsou ta un órgano independiente, asigná pa investigá e entradanan i gastunan di Pais. Ta trata akí di un Kolegio Altu di Estado ku ta raportá riba su investigashonnan realisá, na Parlamento di Kòrsou.