Ámbos presidentenan a reuní den fin di siman tras di lomba.

BOGOTA – E presidente mehikano, Andres Manuel Lopez Obrador, a kuminsá den oranan di djabièrnè ku su promé gira den Suramérika na Colombia, unda el a reuní ku e presidente kolombiano, Gustavo Petro, ku ken el a kòmbersá di e inisiativanan di pas ku tin na e pais i tambe den kambionan na nivel mundial pa ku droga.

Lopez Obrador a yega na e siudat kolombiano di Cali kompañá di Alicia Barcena i e minister di Defensa, Luis Cresencio Sandoval, den apénas su di seis biaha pa eksterior den su kasi sinku añanan di mandato, den kua solamente el a bishitá Estádos Unídos, Sentro Amérika i Cuba.

Segun loke Lopez Obrador mes a indiká na medionan di komunikashon despues di su yegada, e ta hopi kontentu di por ta na Colombia.

Aki a reuní porta será ku Petro, kende inusualmente tabata puntual i ku kua el a abordá e tema sentral di e pais: droga. Inkluso, ámbos a klousurá e Konferensia Latinoamerikano i di Caribe di Droga, unda lo risibí e konklushonnan di dos dia di reunion tékniko i panel temátiko relashoná ku e problemátika mundial i enfoke nan nobo pa renobá e guera kontra droga.

E konferensia aki ta un punto di salida pa un kumbre berdadero den kua mandatario nan di rònt mundu por konstruí un polítika di droga nobo pa bringa e realidat manera adikshonnan i mortonan pa sobredosis, narkotráfiko òf inkluso enfoke nan tradishonal di algun mata di koka.

Ámbos a trata e tema aki den nan enkuentro pa asina buska punto nan en komun den e asuntu den kua Lopez Obrador, na un prinsipio, tin un vishon muchu mas konservadó. Esaki miéntras ku Petro ta buskando pa liderá un kòmbersashon i di e forma aki por presentá un plan nashonal di su gobièrnu.

Pas total i integrashon latinoamerikano
Ademas di e tema sentral, durante e reunion bilateral di e dos kabesantenan di estado, tambe a akordá di abordá e proseso di pas total na Colombia.

México a akohé e segundo ròndu di diálogo ku guerilla di Ehérsito di Liberashon Nashonal na inisio di aña. Komo Colombia a invit’é pa bolbe akohé esaki, despues ku e siman aki a sera algun palabrashon ku Venezuela.

Apesar di kompartí hopi punto di bista, e lidernan aki tambe ta pensa otro pa kua punto nan di pas. Esaki pa motibu ku Petro ke kòmbersá i negoshá ku henter mundu, inkluyendo banda nan di narkotrafikante, miéntras ku Lopez Obrador ta será pa papia i keda someté na hustisia.

Sena
Despues di un sena huntu, ámbos mandatario nan lo bolbe topa pa sera e Konferensia Latinoamerikano i di Carjibre relashoná ku droga.

Despues di esaki, ámbos lo biaha, separá pa Chile, pa asina reuní ku otro di e presidente nan latinoamerikano aktual, Gabriel Boric, i tambe kompañá den e konmemorashon di 50 aña di Gòlpi di Estado di Augusto Pinochet kontra Salvador Allende ku lo ta den oranan di awe, 11 di sèptèmber 2023.