WILLEMSTAD.- Firmamentu di e akuerdo pa sigui desaroyá proyektonan pa yega na un transishon di energia na Kòrsou ta otro prueba ku e polítika destruktivo ku MFK a hiba pa añanan largu tabatin komo úniko meta pa “quitate tu pa poner me yo”.

Kolaboradó di frakshon di partido MAN, Yael Plet ta bisa ku ta for di 2020 a lansa e proyekto di desaroyá un “living lab” banda di e refineria pa krea energia renovabel usando terenonan ku nunka refineria Isla a hasi uso di dje. E proyekto aki a hasi Kòrsou un “trendsetter” pa region riba e tereno di energia duradero, esta Plet.

E ta kondená kon e tempu partido MFK den oposishon MFK a krea un konsternashon den komunidat kontra e proyekto aki usando un kantidat di palabranan insolente kontra entre otro direktor di Refineria di Kòrsou, Marcelino De Lannoy. Pa e motibu aki pa Plet tabata un ironia pa mira kon un biaha mas gabinete Pisas ta firma pa kontinuashon di algu ku den pasado nan mes tabata kontra di dje.