Phillipe, kende a permanesé pa dos dia detené i interogá pa outoridatnan haitiano.

PORT-AU-PRINCE – Outoridatnan haitiano a pone e eks lider rebelde Guy Phillipe den libertat despues ku el a permanesé detené durante dos dia pa duna deklarashon na Polis Nashonal Haitiano.

E hòmber, kende tabata lider di rebelion ku na 2004 a provoká eksilio di e presidente Jean Bertrand Aristide, elegí demokrátikamente, a bolbe bèk den oranan di djaweps na e pais for di Estádos Unídos. Aki ta unda el a keda ekstraditá na 2017 pa un akusashon di narkotráfiko i labamentu di plaka.

Phillipe, eks senador di Grand’Anse elegí na 2016, a yega den un avion ku vários siudadano haitiano, kende nan tambe a keda deportá pa outoridatnan di Estádos Unídos, unda ku el a kumpli ku su kondena di seis aña i ku a terminá aña pasá na luna di dezèmber.

Segun medionan di komunikashon haitiano, e gobièrnu aktual di Haiti a retrasá su repatriashon faborablemente na e petishon di Estádos Unídos di su regreso na su pais natal. Aki ta unda ademas e tabata komandante polisial.