ROTTERDAM—Polis a haña un hòmber ku tin mas ku un aña den un kas na Slaghekstraat den bario Feijenoord.

Polis a haña un melding di un instansha ku no por a haña kontakto ku e hòmber. Agentenan a bai tira un bista den e kas. For di bentana patras nan por a mira e hòmber su kurpa sin bida riba sofa. E tabata den estado severo di dekomposishon. Den e kas agentenan a haña post di november 2022 huntu ku hopi korant. Bosero di polis ta bisa ku no tin indikashon di un krimen. Nos ta kere ku ta trata di morto natural, segun polis. No ta promá biaha ku ta haña hende morto den kas despues di largu tempu. Kontrol sosial ta esensial den e kaso aki.