Willemstad— E tim di Meo a sigui ku nan kontròlnan den oranan di mardugá i e biaha aki a bai kontrolá  vários di e restorantnan ku sa haña bishita di persona nan ku no ta lokal. Durante di bishita na e restorant Mr. Porter Street Cafe ku ta keda den Pietermaai a bin tuma nota ku tabatin basta kliente presentá na e ora ku ya  e restorant mester tabata sera.

esta ku ya och’or a bati. Mesora a ordená e doño di e restorant pa sera e negoshi na momento ku a bai pa kontrolá e pèrmitnan  di e negoshi esakinan no tabata na òrdu. Dado momento e Ulandes Oropeo a kuminsá hasi basta ferfelu ku e outoridatnan i asta a kuminsá ta graba nan hasiendo uso di su telefon. Na vários okashon e polisnan a atendé riba su komportashon i na momento ku a bira dimas ku e tabata stroba trabou di Polis  e la keda detené hiba pa warda na unda lo bai traga un prosèsverbal den su kontra.