Kolega ta pidi asistensia miéntras polis a sinta trankil ta opservá na un distansha.

Willemstad— Mando di Kuerpo Polisial a usa e medida  ku si bo no ta kla pa traha òf duna asistensia na bo mes kolega ku ta den problema  bo mester bai otro departamento bai sinta habri porta òf vigilá edifisio.

Tres agente polisial riba orden di Mando di Kuerpo Polisial a ser mandá pa un otro departamentu despues ku a bin haña sa ku nan a keda sin duna nan kolega protekshon ku tabata pidi pa asistensia. Ta trata di tres agente polisial ku tabata traha riba kaya esta kore duna asistensia manera e logo di Kuerpo Polisial mes ta bisa sirbi i proteha. Ultimo algu a bai kompletamente robes ku tres di e polisnan aki ku ta trata na e tim di UST ku ta para pa e abreviashon di Unit Speciale Taken. Ta asina ku un kolega di nan a bin hañ’é den un konfrontashon basta pisa ora ku e la bai pa atendé ku algun suheto ku tabata poniendo fever den Salina. E agente polisial aki ku ta di e rango inspektor kumpliendo ku su trabou a bai pa atendé ku e grupo ku tabata violando e orden publiko. Dado momento durante ku e inspektor di polis tabata atendiendo ku esun ku e la haña ta komete e delito e la wòrdu aglomera pa un kantidat di persona ku tabata presente den Salina.  E agente polisial na su lugá a pidi asistensia di su demas koleganan debi ku e la kuminsá sinti ku kosnan tabata bai sali for di man. Dado momento e polis aki a bin hañ’é den konfrontashon ku un persona i na momento ku e la bai pa atendé kuné a surgi un forsageo unda e persona aki a asta dal e polis un wanta.

Ora e polis aki a bira pa wak unda su kolega ta ku e la bini kuné e la bin ripara ku esaki  ya tabata para na un distansha ta opserva sin yega serka pa yude.  Esun ku a logra di dal e polis un wanta asta a logra di dernta den e multitut i asina a logra di bai for di e sitio. Ora e polis a bai atendé ku un otro ku tabata poniendo fever ku un quad esaki a logra di ranka kore bai miéntras tantu niun patruya no a yega pa por a duna e agente polisial asistensia. Tabata despues di basta ratu mas polis a yega na e sitio udna ya mayporia di esnan ku tabata forma parti di e aglomerashon den Salina a bandoná e sitio. Mando Polisial mesora a ordena un investigashon pa asina saka afo kiko por a pasa ku un polis den problema ta pidi asistensia i ta dura asta tantu pa yega i dune e asstensia nesesario. A kuminsá prome ku e polis ku tabata riba patruya ku e inspektor di polis ku a pidi pa asistensia. E polis aki a keda para na un distansha ta wak su kolega den problema. Mando mesora a ordena pa e polis aki no ta riba kaya  mas i a mande bai sinta vigila edifisio.  A sigui ku invesgtigashon pa ewak ta kon bini e patruya nan ku tabata riba kaya a tarda pa yega i for di GPS   ku tin instalá riba e vehikulonan polisial a bin saka afo ku tabatin un patruya den Salina pero tog no a yega. 

A bin saka afo ku miéntras tantu e polis ku a pidi asistensia si so tabata  forsageando ku e multitut, dos di su koleganan tabata sinta trankilamente den e e vehíkulo polisial na altura di e restorant Fast Food Kentucky Fried Chicken sin a yega serka pa yuda nan kolega. No ta konosi kiko tabata e moribu kardinal ku  e polisnan aki no a yega serka pa duna asistensia ya ku ta trata di dos polis ku sa traha ku masha smak.  Esaki a pone ku Mando di Kuerpo Polisial  a manda e dos polisnan aki bai sinta  na porta di kura pa asina vigila kua vehíkulo ta drenta  kura di polis ya ku nan no ta apto pa por ta riba patruya por lo pronto. No ta konosi ku lo sigui ku un investigashon disiplinario kontra di e tres polisnan aki.