Aparentemente tin diferente kasonan ku ta keda registrá na e mesun skol aki.

LISBOA – Un mucha hòmber di 11 aña di edat a keda seksualmente agredí ku un palu di basora pa vários kompañero di un skol di Vimioso, na nortost di Portugal.

E agreshon a keda produsí den oranan di 19 di yanüari último, ora ku e alumno a keda someté na abusu di grupo.

E agreshon lo a keda produsí den presensia di trahadó nan di e sentro, kende nan no a hasi nada.

Un fuente di outoridatnan, a splika ku e investigashon a saka afó ku efektivamente tabatin algun trahadó presente na momentu di e agreshon, di kua agente nan polisial a keda notifiká 3 dia despues, via di un sentro di salú na kua e víktima a presentá.

Di otro banda, outoridatnan a afirmá ku e number di agreshon nan a subi, ya ku tabatin diferente kaso identifiká, hopi di nan ainda ta keda investigá.

Segun algun medio di komunikashon di e pais, e akto nan aki a keda kometé pa ocho alumno, di entre 13 i 16 aña di edat.

Di otro banda, tambe a denunsiá ku na e mesun skol aki tin agreshon nan konstante ku ta keda praktiká pa algun alumno i ku otro studiante nan ta keda fòrsá pa vários kompañero, pa tin kontakto nan íntimo.