WILLEMSTAD,—-Tin basta aña kaba ku mundu di teater tantu aktornan komo otro artistanan den género di farándula ta boga pa tin un teater nashonal manera un Sentro pro Arte. E teater mester fungi pa presentá nan obra nan i tambe e otro género nan kultural, manera ku esaki tabata den pasado.

Ta asina ku hopi atenshon algun dia tras di lomba Vigilante Farándula a skucha un entrevista ku Minister di Enseñansa,Siensia,Kultura i Deporte señor Sithree “Cey” van Heydoorn tabatin na un radio emisora lokal, kaminda ku e puntr’é ku su Sentro Pro Arte kaminda ku e ta lo por bira opshon 1.

Minister a bisa ku,”Esei por ta un opshon, pero mi no por bisa nada ofisial ainda paso tin algun kos ku mester kaba di atendé promé i manera ku esaki nan tuma lugá”. Mas aleu, mester bisa ku Minister a menshoná nòmber di algun otro sitio, pero tòg Sentro Pro Arte ta para komo posibilidat i opshon number 1. 

No tin duda ku mundu di teater sigur lo bira hopi kontentu ku e informashon aki, paso si mester un elekshon pa vota na kua sitio un teater nashonal tin ku bin, sigur tur hende lo vota pa esaki ta kaminda ku e edishon di Sentro Pro Arte ta i na ningun otro sitio. No ta un sekreto ku tin masha hopi bunita rekuerdo pa dékada nan ku a tuma lugá den Sentro Pro arte.