PUNDA,– Prensès Beatrix entre djamars 7 pa djabièrnè 10 di Novèmber próksimo lo ta di bishita na Kòrsou. E bishita di Beatrix ta den kuadro di koperashon entre organisashonnan di naturalesa den Reino Hulandes Karibense, Dutch Caribbean Nature Alliance (DCNA).

El motibu di e bishita ta e kongreso di e organisashon tokante di solushonnan respetuoso ku e naturalesa pa e restourashon di e eko- sistema den e islanan di Karibe Hulandes. La reina ta e patron di Nature Alliance.

Kòrsou:

Djamars mainta Prensès Beatrix lo bishita e lanthùis na Savaneta. E lanthùis di 1662 tin un di e plantashon nan di mas grandi na Kòrsou. E edifisio a keda restourá kompletamente na 2010 i 2018.

E parke rondó di e lanthùis ta keda atministrá pa Carmabi, sosio di DCNA, E Fundashon Karibeño de Investigashon i asuntunan di e Biodiversidat.

Prensès Beatrix lo hasi un rekorido kòrtiku na e museo di e lanthùis. Tambe lo e asistí na un lektura di edukashon tokante naturalesa ku vários mucha studiante di skol básiko.

E muchanan ta siña tokante e peliger ku sushi ta trese pa naturalesa riba nos isla. Despues e empleadonan di Carmabi lo informá La reina tokante di e importansia klimitorio di parke Christoffel ku ta rondoná e lanthùis i tokante di e kuido di e animalnan den e  zona.
La reina lo bishita tambe  Fundashon Ser’i Otrobanda djarason mainta. E fundashon a bini ku e inisiativa  pa krea hòfinan komunitario pa promové e outosufisiente i e hábitonan alimentashon saludabel di e residente nan lokal.

E idea a surgi durante e krísis di corona vírus, tempu ku famianan tabata risibí paketenan di alimentashon. Kreando e hòfinan urbano, e hende lo por kultivá su propio fruta i berdura, e hende ta drenta den kontakto entre nan ku nan i tin mas aktividat den e bario.

Fundashon Ser’i Otrobanda ta konta ku e apoyo di Fondo Oranje. La reina lo haña un splikashon tokante e orígen i e importansia di e hòfinan komunitario i e lo konosé tambe e voluntarionan ku ta traha einan.

Aruba
La reina lo ta na Aruba djaweps 9 di novèmber i lo bishita e parke infantil Neptali Henríquez den oranan di mainta. E parke aki tabata den mal estado i a keda renobá i ampliá ku e yudansa di Jantje Beton.

E fundashon kier renobá e parkenan infantil na vários lugá den zona di Karibe Hulandes pa asina kumpli ku e rekisito nan di seguridat di e i asina e muchanan por bolbe hunga den tur seguridat.