Yegada di Nicolas Maduro na Cuba.

LA HABANA – E presidente di Venezuela, Nicolas Maduro, a yega den oranan di ayera na La Habana pa asina partisipá na a Kumbre di Grupo di e 77 i China, unda ta buska fórmulanan pa estrechá e koperashon.

E presidente venezolano tabata un di e promé lidernan ku a yega na e aeropuerto di La Habana i ta probabel ku e lo akudí direktamente pa e Palasio di Konvenshon, unda ta planiá pa tin e kumbre.

E dia promé, e presidente, vise presidente, promé minister i esun nan enkargá ku vários desena di e pais a yega na La Habana. E organisadó nan ta konta ku delegashonnan di mas ku un sentenar di pais.

Entre nan tin e sekretario general di ONU, Antonio Guterres, kende ya a reuní djaweps ku e presidente kubano, Miguel Diaz-Canel i ku vários ministernan kubano. Esaki ademas di bishitá un di e proyektonan strea di Unesco na La Habana.

Den oranan di djaweps tambe tabatin yegada na La Habana di e vise presidente di Bolivia, David Choquehuanca, presidente argentino, Alberto Fernandez, i e miembro di komité permanente di e Partido Comunista di China, Li Xi.

E kumbre, kua tin komo ophetivo pa estrechá e desigualdat teknológiko entre Nort i Sur i kua lo hiba e lema “Los retos aktual den desaroyo ; papel di siensia, teknologia i inovashon”. Esaki lo konkluí den oranan di djasabra ku un seshon di debate nobo i presentashon di e deklarashon final.

E G77+China ta e mayor foro di konsertashon i diálogo di ONU, ku ta agrupá henter Amérika Latino i Karibe, ménos México, Afrika, Oriente Medio i gran parti di Asia, sin Rusia.

Aktualmente e ta formá pa 134 pais, ku ta suponé un 80% di e poblashon mundial i dos tersera parti di miembronan di Nashonnan Uní.