Estadia : dependé kuantu narkotráfiko den un lancha, tei kosta Kòrsou 325 florin pa kada unu tur dia. Despues di sinta nan kastigu, Kòrsou a paga miónes na estadia den hotèl na Koraal Specht.

Koraal Specht—Den Sentro di Detenshon i Korekshon Kòrsou, na e momentunan aki tin por lo ménos 20 prezu venezolano, kondená pa trafiká droga den awanan internashonal, den besindario di Kòrsou. E hòmbernan ta desmentí di tabatin Kòrsou komo destinashon. Nan kosto pa dia ta promedio 325 florin. Si konta e kantidat di periodo reglamentario ku nan mester sinta nan kastigu na Kòrsou, e suma ta bira unu spantoso.

Ta trata di e hòmbernan, Farfan Gonzalez (27 September 1980), Felix Minguel Zerpa Zerpa (4 yanüari 1990), Felix Jose Boada Zerpa (7 Mei 1984), Hannober Jose Boada (15 September 1965), Yency Cendeno (20 Yanüari 1978), Guillermo Miguel Boada (29 Mart 1976), Jose Pacheco, Adrian Delcine, Xavier Delcine, Javier Guillen Lopez, Jose Rodriquez, Neomal Cedeno, Wreyner i Urbina Sovil, Jesus David Gomez, Jean Paul Salazar, Derwin Garcia i Luingi Vargas. Tambe tin un grupo chikitu mas di entre 4 pa 5 prezu mas i kisas hasta mas tantu.

https://fb.watch/pfNiUX9Ss3/?mibextid=2JQ9oc (klik riba link pa video di sinku indokumentado ku a hui)

E grupo di venezolano tur ta argumentá di no tabatin Kòrsou komo nan destinashon. Por ehèmpel den kaso di un grupo, riba radar di e barku Groningen, Nort di Paraguana a nota e lancha riba radar, bayendo direkshon Guajira. Segun deklarashon di e stranheronan Kòrsou no tabata nan destinashon. Nan a risibí un oferta di 3 mil dòler kada unu pa buska e droga na Guajira i hib’é Guarapuno.  Segun nan a splika ku nan no tabata nabegando den awanan internashonal i no tin nada di haber ku Kòrsou.

Segun un di dos grupo di e venezolanonan,  nan tampoko no tabata den awanan internashonal sino ainda nabegando den laman venezolano. I finalmente tin un kaso pendiente pa apelashon kaminda 4 hòmber ta wòrdu akusá di trafiká 1620 kilo di kokaina den awanan internashonal. Nan tur kuater a desmentí di tabata den awa internashonal i hasta Warda Kosta a mata un di nan kompañeronan.

E problema di e prezunan ta ku kada unu ta kosta 325 florin diario den SDKK. Esaki ta ekivalente na 6.500 florin diario pa tene e venezolanonan den SDKK lokual ta yega na un suma mensual di 195.000 florin. E verediktonan di korte pa 20 hòmbernan ta un averahe di 6 aña pa kada unu. Esta kada un prezu ta sinta 72 luna promedio. Pa 20 prezu e suma total despues di 20 aña ta bira 14 mion florin di kosto pa Kòrsou paga (Nafl. 14.000.000).

https://fb.watch/pfO5y3ROu1/?mibextid=2JQ9oc

Atraves di aña, Kòrsou a paga miones pa tene narkotráfikonan venezolano enarselá.