Despues di hopi aña tur kos ta indiká ku Zita Jesus Leito lo no ta riba lista di partido PAR pa e próksimo elekshon na 2025.

Willemstad,– Lider di partido PAR Quincy Girigorie a bisa ku for di awor e por bisa ku Zita Jesus Leito lo no ta riba lista pa próksimo elekshon.

E ta bisa ku ta papiando ku tur hende riba struktura di e partido i ki puesto nan lo por tin den partido. Segun e lider di PAR e no por bisa kosnan personal den kòmbersashonnan ku el a hiba ku Zita Jesus Leito i e no por kontestá riba spekulashon di ku su partido a pidi Zita Jesus Leito pa entregá su asiento. Girigorie ta bisa si, ku ta hopi kos robes ta ser papiá ku no ta kuadra ku e bèrdat. E ta bisa ku Zita tabata un pilá den partido, un trahadó i partido tin tur apresio i rèspèt pa Zita. “Tur kombersashon ku a tuma lugá ku Zita tabata ku rèspèt i ku bista riba futuro” asina e lider di partido PAR a duna di konosé.